le yincwad'engaphelelanga

UMBONISO WOKUQALA

(Uvula umkhusane uNomhle ehleli nonina uNomvula.UNomvula uyala intombi yakhe njengoko isenza ibanga layo leshumi kwaye sekumbovu ekubeni unyaka uphele, ngoko ke uNomvula upha intombi yakhe umphako ongasayi kubola)

Nomvula  Nomhle, Nomhle !!! (Uyakhwaza)

Nomhle    Mama

Nomvula  Oo! Khange ndiqonde ukuba ukhona ntombi yam, kusuke kwathi cwaka 

                aphangaphakathi.

Nomhle     Ndikhona ndihlamba ezi zitya zishiywe ngubhuti.Yazi yena ulwantwentwe

                 ngesisu,ungcathu ngemikhono andide ndiyibone eyona nto ayenzayo    
                 apha ekhaya. 

Nomvula   Owu!! Uyaphoxisa kanene Nomhle (utsho ehleka)

Nomhle     Ndithetha inyani kanti mama, eyakhe into kukuhamba edyobha

                ngentshongo emehlweni aye wonke ubani athe waveza izinyo naye.

Nomvula   Lonto wean nobhuti wakho aniginyani, iindlebe zisuke zabetha-bethana

                mpela kwezi ntsuku, kwaye yonke lonto asiyonto ndiyithandayo.

Nomhle     hayi kanti mama akukho ngoluhlobo ubona ngalo.

Nomvula   Ndiyakuva mntwana wam, kodwa eyona nto bendikukhwazela yona

                 ndinomdla wokuba sihlinze impuku, Kwaye ndingathanda ukuba 
                 ubek’iindlebe.

Nomhle     Thetha mama, ndikumamele.

Nomvula   Khawuziyeke ezo zitya uzokubuya ngazo, andizukuthatha xesha lide noko.Tsala

                   isichopho eso uchophele kufutshane.

Nomhle     Kulungile ke mama ndiyeza, sendifikile.

                  (utsho etsala isichopho esondela kumama wakhe)

Nomhle     Qhuba mama ndikumamele.

Nomvula   Nomhle mntwana wam, ndinelunda kwaye ndiyazingca ngawe.Ndinebhongo

                  elingathethekiyo ngokuba nomntwana onguwe, ngoko ke ntombi yam andingethandi

                  ukuphuncukana nawe.Eyona njongo yam kukubona uqaqambile okwekati emhlophe                                                          .                 ehlungwini 

Nomhle     Ingaba yonke lento uyithethiswa yintoni mama? 

Nomvula   Ufumana amanqaku ancumisayo kweli banga leshumi, yonke ke lonto ityala ithemba

                  lempumelelo ngaphakathi kwintliziyo yam.

Nomhle     Ngokwenene uthetha inyani mama, ndisebenze nzima mpela kulo nyaka, ndisebenzela

                  impumelelo.Lilonke nam ndinalo ithemba lempumelelo.

Nomvula   Nomhle ntombi yam, emveni kokuphumelela kwakho elibanga uzokusishiya uye

                 esinaleni, uyokufinda nzulu ngeso sakhono uzokuthi usikhethe.Inye ke into endiyicelayo

                 ntombi yam.Uze ukwazi oyokwenza phaya, ungadlali ngexesha lakho.Uze ukhumbule                                                         

                 ukuba akukho namnye umntu ophangelayo apha ekhaya, siphila ngale ndodla ka

                 Radebe. Lilonke  uze ufunde usicingela ntombi yam.

Nomhle     Ndikuvile mama, kwaye ndiyakuthembisa andisayi kuniphoxa notata,ndiyokufunda 

                  ngokuzimisela ngenjongo yokufezekisa iminqweno yenu bazali bam, kunye neyam

                  kanjalo.

Nomvula   Ndiyavuya ukuva oko ntombi yam kuphuma kowakho umlomo.

  (kuthe kusenjalo kwangena uRadebe ebile ethe xhopho

  ulwimi elikhuphe ngaphandle etshiswa lilanga.Elitshisa ngeyona ndlela)                                                                                            

Radebe      (uthetha yedwa) kowu liyatshisa mpela ilanga lanamhlanje, lonto lindikhuphe

                 Ndisenomdla egadini.

Nomvula   Khawenzele utata wakho into etyiwayo Nomhle, inoba uphelile kukulamba oko.

                  ekulagadi namhlanje

Nomhle     kulungile mama (atsho ephakama)

Nomvula   Ufike kakuhle ke Hlubi xa ndixhobisa intombi  le yethu njengoko sekukufuphi ekubeni

                  iphume iye esinaleni.

Radebe      kowu ungxamile noko mfazi, ndicinga ukuba kusekutsha noko kwaye nethuba

                  lisavuma.

Nomvula   Uyaphazama Hlubi lona ixesha alisekho, ngoku sele bezokugqiba imviwo zabo   

                  zokuphela konyaka, uze wena uthi  ixesha lisekhona. (Utsho ehleka)

Radebe      Uthini na ngoku apha kum mfazi?,

                  uyibeka ngolo hlobo?.Ukhawulezile lonyaka, khange ndiqonde ukuba sele

                  usesiphelweni.

Nomvula   kunjalo ngenene tata,sele usesiphelweni lo unyaka.

Radebe      Andiyazi nokuba ndikuve kakuhle na mfazi, ingathi ubusithi ndingene kakuhle xa

                  uxhobisa intombi le yethu uNomhle, lonto sekumbovu mfazi kuba andisakhumbuli. 

                  nokuba besithetha ngantoni.

Nomvula   Ewe tata ngokwenene ufike kanye ndixhobisa intombi le yethu.

Radebe      Sele uhlabela mgama mfazi,ndikumamele.

Nomvula   Bendisatsho ke ntombi yam, siwa sivuka apha notata wakho uRadebe sizama

                  ukulungiselela ingomso engcono,ngelo uze uzimisele esinaleni.   

Radebe      Kunjalo ngenene ntombi yam, sitsala nzima kodwa phantsi kwethemba lokuba wothi

                  wakuphumelela usikhulule kobu bunzima.Nomna kwenu uyamazi kwaye uyambona

                  akazimiselanga ntweni.Ngoko ke zesingaphoxwa nguwe ntombi yam.Ona amandla

                  awasekho, kodwa kunjalo siyayitsala lemiqokozo kuba sifuna wena ufunde ntombi

                 yam.                                               

Nomvula   Uze wazi ntombi yam ukuba yonke into inexesha layo, ukukhala kunexesha lako, ukuhleka kunexesha lako

                  Nditsho  nokudlala oku kunexesha lako.Lilonke ke Nomhle ntombi yam, uze uzimisele wenze oko sizokuthi

                  Sikuthumelele kona phaya esinaleni

Nomhle     Tata nawe mama ndiwavile amazwi enu, kwaye nithethe kwavakala.Ukuba ndingathi andinivanga ndiyokube ndithetha

                  Ubuxoki.Ndiyanithembisa bazali bam andisayi kuniphoxa, ndiyokuzimisela esinaleni ngenjongo

                  Yokufezekisa iminqweno yam, nditsho naleyo yenu.Andisayi kuvumela nabani na ekubeni andibeth’entloko.

unomdla wokufunda lencwadi iphelele?,
ukuba kunjalo singenza idinga