Imbongi zibhalele wena,nam.Funda mfundi

Sisaqhubeka ke nto zakuthi ngokunithululela lemibongo isuka kubambali,Senza ngako konke okusemandleni ukuniphakela lembiza iseshushu.Kaloku babhalile ababhali bebhalela wena nam,masenje njalo ke nto zobawo ukufunda lemibongo.Into ke esiyicelayo kuni,kukuphosa nje amazwi enkuthazo kwaba babhali. siziphosa kuni ke intambo khanifunde,nifunde,nonwabele imfundo nolwazi oluza nalemibongo

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

Bhotani sizwe

Nathula Magwalandini ,

xa nizimela pantsi kwezikhakha zonyoko

ingaba nithi yozala nkomoni na,

 akuveli gorha koko kuvela

ivelatanci laseMazizini,

eliqule lagangatha ,

laxhoba lafohlela lilindele nayo

nayiphi na impi ,

Mandiphimise nam ngoba

ndisisizukuzuku sikaXhosa,

uXhosa oxhobe ngamaXhanti ,

ongaxhaliswa ngamaxhalanga axhinileyo ,

Oxhiphula njengeXhama

lixhathalazele iXhoba. . .
ndiyabhotisa mzi ka Phalo

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

Mntu omtsha

Mntu omtsha!
phaphama uphakame,

uphathe iphupha lakho.
uphande de uphakame ubeliphatha,

kumacala akho phephaphepha
ungabi liphakuphaku.
Phinda-phinda ukuze uphumelele,

impumelelo isentabeni,

impumputhela iphatha iyeka.

ke wena mpampatha

ude ufike encotsheni,
uhambe, uhambe ude ubenephango.

 Ipangele iphanda yaphuke

umlenze emimangweni phanda

ndoda ungabi sisidodo.

lifune iphupha lakho.

Umbongo ngokubhalwa nguSicelo Phembe

 xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx