kwiliso lengqondo kumnyama

kwiliso lengqondo kumnyama

 Ndiphakathi kwamadabi andithandabuzisayo,andibangel'ukoyika.
 Ndixinekile,ndihamba phakathi kwenzima
 Izabatha eziyenza nzima lehambo ndiyi hambayo.

 
Ngokwengcinga ndibon'impumelelo,
Ngelixa ndimadolwa'anzima ngokwasenyameni.
Ndikwitonel'elimnyama,ndixinekile
Umbilin'uphezulu.
Ndivizikhalo,ezilusizi zezilwanyan zasendl'ezinzulwini zobusuku.
Ndiyankwantya,ndiyankwantya,imnyama lendlela.

Intlanzi itshelwe ngamanzi,
Ndikholelwe xa ndisithi akusekho konwaba.
Ubom'esibuphilayo,buyahlab'okwameva.
Ziyahlaban'inkabi ngelixa ziphuma sibayeni sinye
Ngquzu-ngquzu
Lontw'idal'umsantsa kubantwana bomnt'omnye.
Zingabisayokusela mfuleni mnye kwakhona.


Sisajonge leyo
Whaaaaaaaa!!
Whaaaaaaaa imvulekulu kanogumbe
Iwis'itshabalalisa
imith'emikhulu,
Zibun'intyatyambo xa kanye ziqal'ukudubula
Tshin'igragrame lento
Ikrukruth'ikrazula,ilum'ivuthela okwempuku.
Ibagqugqise,igqagqanise,ukubagqiba onyana nentombi zomnt'ontsundu.

Kalokw'ingcinga zabo
Zisithele ngaphaya kwalomdiya-diya
Ubumnyama.
Phofu imizimba yabo
Isekuhleni ekukhanyeni.

Intlama yomel'ephinini.
Isibhaka-bhaka sogqunywe
Lilif'elimnyama,
Liyandil'izulu
Ndih-ndih
Ngeloxesha sisebumnyameni
Sirhuqwa ngulomzila usisa
Kumgxobhozo wengcwaba.

Phofu amehlo siwavulile
Ntonje kwiliso lengqondo
Kumnyama.

Oluthando ndini lusisitsixo selahleko,
Ukufa okuqhutywa lulophuko lomphefumlo.

Kaloku banikan'amaphupho angamampunge

Uyiv'indoda isithi.
Ndizokuthengel'uloliwe,
Umzila uyokuzikhangelela.

Ilal'ingqondo,
Naye alale kweloqhinga,
Lalomaqinase wendoda.
Kanti ngalo lonke elo xesha
Umphathele uloliwe ogama
Lingu gawulayo.
loomzila ke ngulowo umkhaphelela ekufeni.
Imshiye indoda ileqe abangcono,
Linabe libheke phezulu izinga likabhubhane okoqaqaqa entsimi.

Kaloku bafukuza ebumnyameni,
Ingcinga zabo zisithele ngaphaya kwalo mdiya-diya ubumnyama.
Lilele iliso lengqondo kumnyama.

Masikhangeleni amakhuba ethu nto zakuthi,
Sihlakulele lontsimi isiqhamo sayo
Sikhulela phakathi kokhula.
Sinikithemba kwisizukulwana esizayo,
Sigqibelise ngokuba ngumzekelo kwabo balandela kwikhondo lethu.
Sicel'umdal'amanyange
Adedisubumnyama kuvel'ukukhanya.
Itsho ibelicamagw'elihle.
Nditsho nam ndithi CAMAGU
       Ndisatshaya

umbongo ngokubhalwa nguMXHOSA