Phantsi ngoqhomfo!!!

Zivela ngokuvel'iziqhamo zikabhubhane,
sizityala,ngokuzityala.
Phofu maxa wambi,
singaqondanga.
Ze sivune oko kungancumisiyo.

Kaloku siphila kwilizwe lenkululeko,
ilowo nalowo uhamba ngayibonayo.
Bawubek'umthetho woqhomfo
lwezisu kulutsha.
Ngelabo bathi bayalungisa
kanti bayamosha.

Lakhul'inqanaba lomitho,
lanab'okoqaqaqa entsimini.
Lanyuka ngakumb'izinga likagawulayo
labheka phezulu.
Kaloku bamithisana besazi ngoqhomfo,
ndithetha ukhupho lwezisu.

Phofu balibele ngombulalazwe.
Afike ngesingq'esiphezulu,
abakrukruthe,abakrazule.
Alum'evuthel'okwempuku.
Sitsho sivakal'isijwil'esibuhlungu
esihamba nosizi,
kumakhay'amaxhoba.

Lutsha!!! Sinako..
Sinako ukunqanda lobhubhane.
Masikhumbuleni kaloku,
thina silikamva lesi sizwe.
Kwaye nesi sizwe likamva lethu.
Ngako oko ke masiqiqe,siqalaze
siwunyathele ngembeko nochulukunyathela
umhlaba.
Sizakhela ubom,nekamva eliqaqambileyo.

Lo wakwaxhosa umenyulwa,isithunywa
okwangunyana wamanyange.
Uthi Qina mnt'omtsha.