Yintoni inkululeko

Yintoni inkululeko?
Ngokwenene Yintoni inkululeko.........

Kudala ndizibuza,andiphelelanga kuwetyisa,kodwa ndibuzile nakwizazi,

ndifuna ukwazi,ngokwenene yintoni na inkululeko?

Ndinenkolo,nkolo leyo yokuba Amazwi ayadala,

adala isenzo,isibi okanye esihle,

Bendiba xa ubani esithi ukhululekile,

ade agqibelise ngokubhentsisa

 iminqweno yakhe kwizizwe ngale nkululeko.

Bendiba xa kuthethwa ngenkululeko,kuthethwa ngempilo engcono.

 apho kungekho sizi nakufa....Leyo ke yingcinga yam,

ebendinomdla wokubona idaleka mhlanazana uthile...

Ingaba udlwengulo lwentsana,

omama kunenye nomakhulu luphantsi kwalenkululeko?

Ingaba xa ubani esithi ukhululekile

 ithetha into yokuba unegunya nelungelo lokwenza

 nantoni na ayithandayo,eyenza nakubani?

Ukuba kunjalo,hayi ayiginyeki lenkululeko yenu,

mna ke mandihlale ndiphakathi kobubukhoboka bomphefumlo...

Ewe ningatsho nithi nikhululekile
Kuba nikhululeke ngokwasenyameni,
Kondwa nisaqamqngekile ngokwasemiphefumlweni.

Nisengamakhoboka,kum ke anikakhululeki
Kuba ndinenkolo yokuba ubom obukhululekileyo buqala emphefumlweni,

Xa umpefumlo engakhululekanga awusayi kuzibiza ukuba ukhululekile..

Okanye ingaba nithi nikhululekile kuba nisima mngceni mnye nabamhlophe,

nikhwela sithuthini sinye,

okanye kuba nisidla kunye kwivenkile zokudlela.
Yiyo lonkululeko.

Hayi mna andikayibonisisi lenkululeko

Ukuba unolwazi olungcono khwundixelele iphi lenkululeko

Comments

[obat herpes]

goods thanks :)